Pas tërheqjes së klubeve “rebelë” nga projekti për krijimin e Super League, UEFA ka ndryshuar tonet dhe qëndrimin e saj. Nga kërcënimet për përjashtim, në reagimin e tij presidenti Alexander Ceferin ka shtrirë i pari dorën e bashkëpunimit.
“Dje thashë se është diçka për t’u admiruar kur pranon se ke gabuar dhe këta klube kanë bërë një gabim të madh. Por tani janë kthyer në grup dhe e di që kanë shumë për të dhënë, jo vetëm në kompeticionet tona, por për të gjithë futbollin europian.
Tani gjëja më e rëndësishme është të shkojmë përpara dhe të rindërojmë unitetin që gëzonte më parë ky sport”, ka thënë presidenti i UEFA-s në deklaratën e tij zyrtare.
