Një biznesmen indian ka vendosur që të mbrohet nga koronavirusi me një maskë tepër të veçantë me vlerë 4000 dollarë.
Vlera e maskës është kaq e lartë për arsye se ajo është prej floriri, ndërsa biznesmeni thotë që shume qytetarë e ndalojnë në rrugë dhe i kërkojnë të bëjë foto me të.
“Njerëzit më kërkojnë “selfie”, habiten kur më shohin me një maskë ari nëpër supermarkete”, tha biznesmeni për AFP.
Ai tha se nuk e ka blerë maskën për t’i bërë reklamë vetes, por për t’u mbrojtur nga koronavirusi, megjithëse shprehet se nuk është i sigurt se kjo maskë do e mbrojë nga virusi.