Paketa e parë thuajse u tret pa asnjë ndikim dhe asnjë ndihmë reale për qytetarët. Megjithatë kryeministri Edi Rama ka nisur të prezantojë atë që e quan paketa e dytë e ndihmës për shkak të krizës nga koronavirusi.
Sipas tij, kjo paketë do ndihmojë 176 mijë familje me nga 400 dollarë ndihmë si pagesë direkte.
Por siç ndodhi me paketën e parë, shumëkush nuk beson se do marrë gjë nga qeveria. Një sondazh i emisionit ‘Opinion’ e tregon qartë këtë.
Të pyetur se “a e gjeni veten të përfshirë në paketën ekonomike 1 dhe 2 të qeverisë”, shumica e qytetarëve thonë JO.
88 përqind thonë se nuk e gjejnë veten të përfshirë në paketat e ndihmës.
Vetëm 12 përqind thonë se e gjejnë veten të përfshirë.
