Atletika dhe sporti italian në zi për Donato Sabian, viktima e radhës e koronavirusit. Ish-sprinteri dhe vrapuesi 57-vjeçar, dy herë finalist në 800 metra në Lojërat Olimpike, ishte prej ditësh i shtruar në spitalin e Potencës, ku gjendej në terapi intensive. Më herët kishte humbur të atin po prej Covid-19. Sabia është viktima e pesëmbëdhjetë nga ky virus në rajonin e Bazilikatës.
Arritja e tij më e mirë ka qenë vendi i pestë në Lojërat Olimpike të Los Anxhelesit në vitin 1984 në garën e 800 metrave, ndërsa katër vite më pas u rendit i shtati në Seul. Sabia, që për 29 vite mbajti rekordin botëror të 500 metrave (nuk zhvillohen më), për një vit vrapoi krah të madhit Menea.
