Akademiku Artan Fuga ka kritikuar kryeministrin Rama për deklaratën që bëri ditën e kaluar se nëse Shqipëria në situatën e koronavirusit do të kishte probleme ekonomike ka diçka të garantuar nga Turqia.
Fuga shprehet se shqiptari kurrë nuk ka lypur rrugëve, dhe se të na mbajë me bukë turku është turp, gabim dhe fyerje.
Madje profesori kritikon direkt Ramës se kur u tall me bujqësinë dhe mblodhi shqiptarët në beton, ky është kundërshtimi, betoni nuk mbillet thotë ai.
Ai bën apel që të vendoset gishtin kokës dhe mos pritet që po u përmbyt bota bukën do ja japi turku Shqipërisë.
Nga Artan Fuga
Kështu tha zoti kryeministër?
Do të na mbajë me bukë turku?
Cfarë iluzioni!
Jo se turqit janë të pamirë. Janë shumë të mirë!
Por shqiptari kurrë nuk ka lyp bukë rrugëve të botës me çanak.
Po u permbys bota, t’i dalim zot vetes! – them une. Me mire te mbjellim tokat…sa mundim. Te shohim sektoret qe mund te prodhojne ketu te ne, bujqesia, blegtoria, prodhimi i vogel agroushqimor, peshkimi, frutat, oborri i vogel me zarzavate mbjelle, gjahu…gjithcka.
Eshtë koha t’u kthehemi mbjelljeve të pranverës që të shijmë e mbledhim në vjeshtë!
Urgjent!
Sepse kur është tallur me bujqësinë, mbjelljet, korrjet, shirjet, duke mbledhur shqiptarët në beton, kulla mijrakatëshe, stadiume, sheshe me pllaka, sigurisht kundërshtimi ky ka qenë!
Betoni nuk mbillet, në katin e pesëdhjeteshtatë nuk mbillet, në fushë aerodromi nuk mbillet,
Dikur budallalliku që malet t’i kthenim në fusha, tani budalliku që fushat i kthyem në zona të betonuara urbane!
Ka ardhur koha e gishtit, pra e gishtit të vendosur në kokë, në mendje!
Mos presim duke thënë : Po u përmbys bota… bukën do të na e japi ky apo ai.
