Revolta të shumta kanë shpërthyer ditët e fundit në burgjet e gjithë Italisë, me gjendjen më të rëndë në Reggio Emilia e Modena, me gjashtë të vdekur në këtë të fundit.
Pas përleshjeve të dhunshme, autoritetet kanë transferuar 18 të burgosur në burgun e Parmës. Midis tyre janë edhe dy të burgosurit shqiptarë që cilësohen si përgjegjës për revoltën në Reggio Emilia.
Me ta edhe 16 të burgosur të tjera italianë e afrikanë. Dje në mëngjes u regjistrua një tjetër i vdekur në burgun e Parmës, moldav, 30 vjeç, i transferuar nga Modena. Si shkak vdekjeje është raportuar një mbidozë ilaçesh.
