I ftuar në “Zonë e Lirë”, ish deputeti i PD-së Ervin Salianji, është shprehur se kryeministri Edi Rama ndodhet në një dramë dhe e di që nuk do ketë zgjedhje më 30 qershor.
Ndërsa ka folur për arsyen përse PD u largua nga parlamenti kur u fut fillimisht në zgjedhjet e 2017, Salianji ka thënë se u futën pasi u përpoqën ta zgjidhnin situatën me mjete politike sepse nuk i kishin përgjimet ato momente.
“Ne tentuam që ta zgjidhnim situatën me mjete politike, nuk i kishim përgjimet në ato momente dhe kishim indicie, që donim t’i zgjidhnim me mjete politike. Erdhi momenti kur PD reagoi, të ndryshojmë shoqërinë”, u shpreh ish deputeti i PD.
“Ka dhe njerëz të ish ministrave në protesta, prandaj ishte keq Rama dje se i di të gjitha”, shtoi Salianji.
