Zv/ministrii i Jashtëm, Gent Cakaj, gjatë një interviste për emisionin “Opinion” deklaroi se është marrë me politikë që në moshën 14-vjeçare. Deklaratë e cila cili solli reagime nga figura të njohura politike, jo vetëm.
Një reagim ka ardhur edhe nga ish-zëvendësministrja e Financave në qeverinë “Rama”.
Irena Beqiraj, ish-zëvendësministre e Financave në qeverinë “Rama”, i cilëson qëndrimet e përfaqësuesit të diplomacisë shqiptare si demagogji.
“Një burrë i mençur dikur me tregonte: “Një njeri qe ka nxitjen per tu marre me politike duhet shkualifikuar menjëherë, pasi është veçse një demagog. Të merresh me politikë nuk mund të jetë nxitje, është proces i natyrshëm në të cilin përfshihen njerëz të cilët kanë arritur pjekurinë edhe kanë formimin, eksperiencën e duhur për të qënë pjesë aktive e politikëbërjes. Edhe vetëm atëherë politikbërja është e mirë. Besoj sot e kuptojmë të gjithë qartazi perse pushteti është në duar të papërshtatshme. Si mund t’i besoj një djali që thotë jam marre me politike 14 vjeç???? . Oh te lutem! Na i kurseni demagogjine!”,- shkruan në një postim në Facebook, Irena Beqiraj.
