OSBE sjell një rus të përgatisë zgjedhjet në Shqipëri. Qershia mbi tortë: Ai takon Damian Gjiknurin

0
116

Në mes të stuhisë e histerisë “Rusia po destabilizon Shqipërinë” që ka karakterizuar përfaqësues të maxhorancës gjatë ditëve të fundit, një lajm interesant i ka dhënë nota humori aktualitetit politik.

OSBE-ja ka zgjedhur një shtetas rus, Alexey Gromov të vijë në Shqipëri për të garantuar një proces zgjedhor me standarde. Gromov ka qenë anëtar i komisionit elektoral në Shën Petersburg, pra ka qenë i përfshirë direkt në proceset zgjedhore në Federatën Ruse.

Dhe jo vetëm kaq, zoti Gromov ka takuar sot askënd më pak se Damian Gjiknurin, protagonistin kryesor të dosjes “184”.

Nuk dihet nëse zoti Gromov po i jep eksperiencë ruse Gjiknurit, apo vetë sekretari i ri elektoral i PS po i tregon OSBE-së se si gjeti çamë në Dibër në vitin 2017. Ajo që e bën akoma më qesharake këtë situatë është prania në takim e përfaqësueses së OSBE-së, e cila edhe ajo ka rastisur ta ketë mbiemrin Rusi, konkretisht Ana Rusi.

Rreziku rus është bërë si “rreziku anglo-amerikan” për Shqipërinë. Vetë Edi Rama në një intervista televizive në Itali tha se Rusia është e interesuar të destabilizojë Shqipërinë, duke hedhur helm mbi protestën e shqiptarëve të javëve të fundit/shqipsot.com

Web Agency, Digital Agency, Web Development Agency

LEAVE A REPLY

Please enter your comment!
Please enter your name here