Kryetarja e LSI-së, Monika Kryemadhi është shprehur në emisionin ‘Opinion’ se kryeministri Edi Rama është ‘peng’ i ish-ministrit të Brendshëm, Saimir Tahiri.
“Çfarë mund të themi për një kryeministër, që darkon dhe regjistrohet nga ish-ministri i Brendshëm me banda kriminale, nga Saimir Tahiri. Me këto e kërcënon Tahiri Edi Ramën. Aparati që Tahiri ka regjistruar Edi Ramën mbahet akoma në ambasadën italiane në Tiranë’.
Kryemadhi i referohej “IMCI Catcher”, që zbulua në Maj të 2016. Kjo pajisje përdoret për përgjimin e trafikut të telefonisë celulare (mobile), si edhe për të ndjekur vendndodhjen e personave që përdorin telefonë celularë.
