Kirjakos Micotakis përmes një mesazhi në profilin e tij në Twitter ka theksuar se kryeministri grek Aleksis Cipras do të përgjigjet edhe para popullit edhe para historisë për Marrëveshjen e Prespës me Maqedonine për ceshtjen e emrit.
Lideri i partisë opozitare greke Demokracia e Re, shtoi se janë shkelur linjat kombëtare të vendit.
“Në vend që të marrim erga omnes emër të përbërë, japim erga omnes identitet dhe gjuhë maqedonase. Është koha që deputetët të ndërmarrin përgjegjësi dhe të vendosin: do të thonë “PO” atje ku gjashtë kryeministra kanë thënë “JO”?”- ka shkruar Micotakis në Twitter.
“Jeni i detyruar, Cipras të përgjigjeni jo vetëm para maqedonasve dhe i të gjithë popullit grek, por edhe para historisë” – ka paralajmëruar Micotakis kryeministrin grek.
