Në një kohë kur studentët e Universiteteve publike në Tiranë kanë rinisur sot protestat, të njëjtën lëvizje kanë bërë edhe kolegët e tyre në rrethe.
Kështu, pas bojkotit disa javor një grup studentësh të Universitetit të Elbasanit ‘Aleksandër Xhuvani’ janë organizuar për vazhdimin e protestës.
Ndërkohë, në protestë janë ngritur edhe studentë të Universitetit ‘Fan Noli’ në Korçë. Studentët e Fakultetit të Ekonomisë u grumbulluan tek korpusi universitar. Pavarësisht temperaturave të ulëta, studentët shprehen të vendosur për vijimin e kauzës së tyre deri në plotësimin e kërkesave.