Moti i acartë godet Europën, raportohen viktimat e para…

0
155

Evropa do të përballet me ngrica të pazakonta duke nisur nga java e ardhshme, ndërsa sinoptikanët evropianë paralajmërojnë se stuhitë e dëborës do të përshkojnë të gjithë kontinentin.

Moti i acartë u mori jetën të paktën tre personave të moshuar në Greqi në dy ditët e fundit, të cilët nuk arritën dot t’i rezistonin temperaturave deri në -18 gradë Celsius në disa pjesë rurale të vendit.

Autoritetet gjithashtu i erdhën në ndihmë dhjetëra familjeve të bllokuara në akset rrugore prej dëborës së lartë, ndërsa kushtet e motit kanë vështirësuar udhëtimet me trena, anije dhe linjat e avionit.

Dëbora e dendur shkaktoi kaos edhe në pjesë të tjera të Europës, veçanërisht në Gjermani dhe Austri.

Në Bavari u raportua një viktimë nga shkëputja e një orteku bore, ndërsa qindra turistë mbeten të bllokuar në fshatrat alpinë të Austrisë.

Në qytetin gjerman të Mynihut autoritetet u detyruan të anulojnë mbi 200 fluturime për shkak të pamjes së kufizuar.

Ndërkohë rreth 40 cm dëborë pritet të bien përsëri të hënën, çka ka çuar në mbylljen e autostradave kryesore për të shmangur aksidentet.

Dëbora e dendur është rezultat i masave të ftohta arktike të cilat po kalojnë nëpër Europë prej fundvitit të kaluar, duke sjellë ngrica edhe në rajonet me klimë të ngrohtë si Turqia dhe Italia Jugore.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here