Presidenti Ilir Meta sot do te jete ne Kalabri te Italise per nje vizite zyrtare, ne kuader të Vitit Mbarëkombëtar të Heroit tonë, Gjergj Kastriotit, Skënderbeut.
Gjatë kësaj vizite pritet qe Presidenti Meta do të takohet me Presidentin e Republikës Italiane Sergio Mattarella, së bashku do të vizitojnë Kolegjin e Shën Dhimitër Koronës, ku do të takohen me arbëreshët, përfaqësuesit dhe autoritetet e tyre vendore, drejtuesit e bashkësive fetare arbëreshe, personalitete të ndryshme, pedagogë, studentë arbëreshë.
Në përfundim të takimit të dy Presidentët do të përurojnë një pllakatë për nder të 550-vjetorit të Heroit tonë Kombëtar.
Presidenti Meta pritet të zhvillojë takime zyrtare edhe me drejtuesit dhe përfaqësuesit vendorë të Kalabrisë si dhe të vizitojë Universitetin e Kozencës, në të cilin shkollohen shumë studentë arbëreshë dhe shqiptarë thuhet në njoftimin e presidencës.
