Fotot e aktores turke Tuba Buyukustun me partnerin e saj Umut Evirgen gjatë pushimeve në Bodrum, prej dy ditësh po bëjnë xhiron e rrjeteve sociale.
Ata duken mjaft të lumtur në krahët e njëri-tjetrit, teksa puthen e përqafohen pa pyetur për të tjerët rreth e rrotull.
Fotot u shpërndanë aq shumë, saqë aktorja shpërtheu në rrjete sociale me një postim ku me ironi shkruante se njerëzve u pëlqen të gjykojnë sikur vetë janë të pafajshëm.
Mirëpo pas këtyre fotove, Tubas i janë hapur probleme edhe me familjen.
Mediat shkruajnë se aktorja ka bërë sherr me prindërit dhe se pas sherrit është larguar nga shtëpia verore e prindërve në Bodrum, aty ku po qëndronte.
Aktorja ndodhet aktualisht në hotelin ku qëndron Umut Evirgen, partneri 8 vite më i ri.
