Skuadra e Juventusit është shumë pranë finalizimit të transferimit të Cristiano Ronaldos. Kohët e fundit mediat italiane kanë raportuar për një rritje rekord të aksioneve të bardhezinjve në burs, duke e detyruar që të dale me një deklaratë zyrtare për sa i përket Komisionit Kombëtar për Bursat, ku “Zonja e Vjetër” deklaron se të gjitha lajmet do të jenë të publikuara nga organet e shtypit të Juventus-it, ashtu sikurse e parashikon ligji.
“Torino, 6 Korrik 2018- Si pasojë e kërkesës se CONSOB, (Komisioni Bombëtar për Bursat) lidhur me lajmet e përcjella së fundmi nga organet e shtypit, Juventus Football Club S.p.A. saktëson që gjatë Fushatës së Transferimeve, Juventus vlerëson mundësi të ndryshme në merkato dhe në momentin e perfeksionimit të negociatave do të paraqesë informacionet e nevojshme, në bazë të ligjit”, shkruhet në deklaratën e Juventusit.
