Një aksident i rënd ka ndodhur në Qafë Gjashtë të Sarandës ku një motorist ka dalë nga karburanti dhe i ka prerë rrugën një automjeti. Dëshmitarët okularë rrëfejnë se drejtuesi i motorit ka “fluturuar” në ajër dhe më pas ka rënë mbi asfalt.
I aksidentuari është një 21 vjeçar nga Gjashta e Sarandës me iniciale A. Gj. Menjëherë është dërguar për në spitalin e Sarandës nga ku mësohet se është në gjendje të rëndë si pasojë e plagëve të marra. Drejtuesi i mjetit është jashtë rrezikut për jetën.
Në vendin e ngjarjes është edhe policia që ka nisur menjëherë hetimet për zbardhjen e shkaqeve të këtij aksidenti.
