Partia Demokratike ka publikuar sot fakte të reja për të vërtetuar akuzat se vëllai i ministrit të Brendshëm Fatmir Xhafaj vijon akoma aktivitetin kriminal, konkretisht trafikun e drogës. PD ka nxjerrë një audio-përgjim ku sipas tyre është një bisedë mes një trafikanti dhe Agron Xhafaj.
“Janë tre fakte të rëndësishme se si Fatmir Xhafaj shkeli ligjin duke penguar çdo vepri per ekstradimin e vëllait.
1- Agron Xhafaj nuk e vuan dënimin sepse Fatmir Xhafaj nuk përmbush përgjegjësistë ligjore të Ministrit të Brendshëm, të verifikojë identitetin e ri të Agron Xhafajt.
2- Fatmir Xhafaj nga pozicioni i tij si kryetari i komisionit të ligjeve falsifikoi dokumentat për të pamundësuar ekstradimin e vëllait. Gjithashtu pamundësoi vuajtjen e dënimit në Shqipëri.
3- Ministri nuk zbaton ligjin anti mafia. Aktiviteti që ka kryer vëllai i tij, e bën subjekt të ligjit vetë ministrin Fatmir Xhafaj “.
Sipas PD-së, Agron Xhafaj vazhdon ende trafikun e drogës.
“Vëllai i ministrit nuk bën jetë normale. Ai është një nga bosët e rëndësishëm, të drogës. Materiali audio, tregon se Agron Xhafaj e kryente aktivitetin e trafikut të drogës, edhe kur vëllai ishte bërë ministër i brendshëm.”
VIDEO:
