Gazetari Blendi Fevziu tashmë është kthyer në një prej gazetarëve më me peshë në vendin tonë. Kjo për shkak të jetëgjatësisë së emisionit të tij por edhe të aftësisë profesionale për t’u përshtatur me ndryshimet.
Ai është mjaft i komentuar, si për emisionin e tij “Opinion”, ashtu edhe për jetën personale. Së fundmi në një intervistë për revistën Class, Fevziu ka treguar disa të pathëna. I pyetur se cili është skandali më i madh që ka ndodhur në emisionin e tij, ai është përgjigjur:
“ O ka pasur shumë. Por më i keqi është ai që më ka pasur mua si protagonist, jo ndonjë të ftuar. Sherri i Majit 2013 me Artan Lamen, kur unë i bërtisja “Pusho”. Kështu që s’ka nevojë të ngarkoj me përgjegjësi të ftuarit. E marrë vetë këtë përgjegjësi”, është përgjigjur Fevziu.
