Kryeredaktori i gazetës “Rilindja Demokratike”, Bledi Kasmi në një intervistë në Televizionin FaxNews u shpreh se, arrestimi i kryetarit të Bashkisë Lezhë, Fran Frrokaj është bërë me urdhër të Ramës për t’i hapur rrugë Pjeriun Ndreut të kapë Bashkinë e Lezhës.
Kryebashkiaku i Lezhës, Fran Frrokaj u arrestua para dy ditësh për tjetërsim pronash, por në fakt kemi të bëjmë me një gjueti të hapur të pushtetit ndaj kundërshtarëve politikë. Arrestimi i Frrokajt është bërë me urdhër të Ramës për të marrë nën kontroll edhe bashkinë e Lezhës.
Qytetarë të Lezhës kanë dalë sërish sot në një protestë, në mbështetje te kreut të Bashkisë Lezhë Fran Frrokaj, i arrestuar me akuzën e tjetërsimit të tokave. Në ditën e tretë të qëndrimit të tij në ambientet e Policisë Lezhë, tubuesit pretendojnë se arrestimi është i motivuar politikisht për të denigruar imazhin kryebashkiakut.
Mes të protestuesve ishte edhe kreu i PD-së Lezhë, Paulin Marku. Ai tha se mbështet drejtësinë, por jo atë të njëanshme dhe politike.
Vendimi për rivlerësimin e masës së sigurisë ndaj kreut të Bashkisë Lezhë Fran Frrokaj, është shtyrë për mëngjesin e së hënës. Gjykata do të vendosë nëse kryebashkiaku do të hetohet në gjendje të lirë apo masa për të do të vijoje te jetë arresti me burg.