Një ngjarje e rëndë është parandaluar ditën e sotme nga policia e Vlorës. Një 64-vjeçar nga fshati Mesaplik në Selenicë, ka kanosur me armë zjarri djalin e tij, pas një sherri për motive të dobëta.
Menjëherë në vendngjarje kanë mbërritur forcat policisë dhe kanë arrestuar 64-vjeçarin Qani Gabaj.
“Shtetasi i lartpërmendur, në banesën e tij në fshatin Mesaplik, për motive të dobëta ka kanosur me armë zjarri djalin e tij shtetasin L.G., 36 vjeç.
Gjatë kqyrjes së vendit të ngjarjes, në oborrin e banesës, u gjet dhe u sekuestrua në cilësinë e provës materiale, një gëzhojë armë zjarri model 56”, thuhet në njoftimin e policisë.
Sakaq, materialet hetimore i kaluan Prokurorisë së Rrethit Gjyqësor Vlorë për veprime të mëtejshme.