Kryeministrit Edi Rama i ka dalë një konkurent i fortë në arenën ndërkombëtare: Kryeministri kanadez Justin Trudeau, i cili ka nxjerrë nga sirtari një palë çorape me rosakë të verdhë dhe i ka shfaqur me krenari në Forumin Ekonomik Botëror të Davosit.
Kryeministri kanadez i mbathi këto çorape teksa bisedonte me fituesen e Çmimit Nobel për Paqen, pakistanezen Malla Yousafzai. Çorapet i dhanë tjetër tjetër pamje, kostumit të errët blu të 46-vjeçarit, shkruan DailyMail.
Nuk është hera e parë që kryeministri kanadez e kompleton figurën e tij me ndonjë lloj çorapeje teksa paraqitet para publikut.
Ai ka veshur një palë çorape me temë nga Star Wars kur takoi Shefen e FMN, Christine Legarde;
Në maj po ashtu, kur takoi kryeministrin e Irlandës, Enda Kenny; njëherë tjetër, duke u shfaqur patriot, ai veshi çorape me simbolin e Kanadasë, gjethen e panjës.
Tani mbetet të zbulohet çfarë simbolizon rosaku i verdhë në Forumin Ekonomik Botëror në Davos.
