Mbylla e vitit që sapo lamë pas është shoqëruar me ndryshime në kupolën drejtuese të Policisë së Shtetit. Raportohet se disa prej drejtuesve të policisë së Elbasanit që u shkarkuan nga detyra pas incidentin ku u përplas një makinë policie mbrëmjen e 18 shtator 2017, janë riemëruar në poste të reja.
Sipas “GSH.al“: Arben Dashi, i cili ka mbajtur postin e Drejtorit të Policisë të Qarkut të Elbasanit, është transferuar në Drejtorinë e Përgjithshme të Policisë.
Gjergji Oshafi i cili më herët u shkarkua nga posti i Zv/Drejtorit të Policisë Vendore Elbasan, është emëruar specialist në Sektorin e Narkotikëve në Drejtorinë e Përgjitshme të Policisë së Tiranës.
Kryekomisar Zija Sulaj, është tranferuar shef komisariati në Dibër. Ky i fundit më herët ka kryer detyrën e Shefit të Komisariatit të Policisë Elbasan.
Ndërsa Kryekomisar Kujtim Muça është emëruar shef i Drejtorisë së Kufirit në Dibër. Edhe Muça më herët ka shërbyer në Elbasan si Shef i Rendit në Drejtorinë Vendore të Policisë Elbasan. Ndryshimet në polici raportohet se janë bërë në mbyllje të vitit të kaluar.