Ish-Kryeministri Sali Berisha, duke iu referuar qytetarit dixhital, ka denoncuar përmes rrjeteve sociale prezencën e personave të botës së krimit në takimin e ministrit Arben Ahmetaj në Kavajë. “Qytetari dixhital denoncon Ministrin Ahmetaj, i cili shkon tek qytetaret e Kavajës i rrethuar nga bota e tij e krimit”, shkruan Berisha në rrjetin social.
Lexoni mesazhin dhe shikoni foton e qytetarit dixhital.
“Doktor,sot Arben Ahmetaj pasi u largua uji erdhi në Kavajë për të vizituar zonën e përmbytur nën shoqërinë e kreut të PS-së, Gentian Daja.
Gentian Daja është i dënuar për prostitucion dhe trafik droge në Kazerta të Italisë.
Po ashtu vjehrri i Gentian Dajes, Seid Cikalleshi u arrestua para 10 ditësh për vjedhjen e tokave në Spille pasi mbante postin e drejtorit të Hipotekës së Kavajës.
Ky është turpi dhe karshillëku që mafia e veshur me pushtet u shet qytetarëve dhe drejtësisë për të bërë punën e vet!”, shkruan Berisha në rrjetet sociale, duke përcjellë mesazhin e qytetarit dixhital.
