Kreu i Grupit Parlamentar të Lëvizjes Socialiste për Integrim, Petrit Vasili ka reaguar ndaj deklaratave të kryeministrit Rama gjatë dëgjesave me qytetarët. Përmes një postimi në rrjetin social “Facebook”, Vasili thotë se sjelljet e mazhorancës pas zgjedhjeve të 25 qershorit kanë tre emra sipas tij: “1. Parazitizëm shtetëror; 2. Agjitacion e propagandë; dhe 3. Impotencë për t’u dalë zot punëve”.
Teksa ironizon kritikat e kryeministrit Rama për 4 vitet e qeverisjes që po lëmë pas, por edhe të deputetit socialist Erjon Braçe, Vasili thotë se “tashmë që mazhoranca ka kryeministrin e ri, le të çlirohet nga ai që i ka nxirrë faqen”.
