Qeveria e Kosovës ka marrë vendim se që nga e hëna, qytetarët që do të shkojnë në Kosovë nuk do t’i nënshtrohen vetkarantimit shtëpiak për një javë.
Në vend të testimit të detyruar për CODID-19, ata që hyjnë, do të kontrollohen nga ekipet mjekësore të QKMF-ve në pikat kufitare apo brenda komunave.
Sot, Ministri i Shëndetësisë Armend Zemaj, drejtori i IKSHPK-së, Naser Ramadani, Kryeinspektorja shëndetësore Nora Krasniqi dhe Kryeinspektori i AUVK, Ibrahim Tërshnajku do të vizitojnë pikën kufitare në Vërmicë për të parë zbatimin e vendimeve të rinj për COVID-19.
Nga sot do të hiqet edhe kufizimi i qarkullimit për qytetarët nga ora 21 deri në orën 5 të mëngjesit.
Kryeministri i ri Avdullah Hoti shkroi dje në Fb se:
1. Nga e hëna lejohet qarkullim i plotë, por me kujdes, si brenda ashtu edhe me Shqipërinë e vendet e tjera të rajonit.
2. Në kuadër të parandalimit të përhapjes së sëmundjes, Ministria e Shëndetësisë do të miratojë “Manualin për Mbrojtje nga Covid-19”.
3. Do të rekrutojmë 200 specialistë shëndetësorë që do të mbikqyrin zbatimin e masave që dalin nga ky manual.
Vazhdojmë me maturi e respektim të masave për mundjen e plotë të virusit COVID-19, deri në hapje të plotë, ka përfunduar Hoti.