Pas fitores së thellë që korri në zgjedhjet e djeshme Lulzim Basha, duke rifituar postin e kreut të PD-së, ka reaguar kritiku i tij më i ashpër, Astrit Patozi.
Me anë të një mesazhi në faqen e tij të ‘Facebook’-ut Patozi pohon se uroi mëngjesin e sotëm Selamin për garën, ndërsa theksoi se ai nuk duhet të ketë asnjë peng. Patozi mes të tjerash ka publikuar mesazhin që i ka dërguar Selamit, ku u shkruante se ky i fundit kishte shkuar afër fitores.
Deputeti aktual i PD-së nuk kursen ironinë në drejtim të Bashës, duke shtuar se rëndësi në këtë garë farse ishte pjesëmarrja, pasi ‘armiku’ (Patozi) ishte lënë jashtë.
