Për herë të parë, kryetari i Kuvendit Ilir Meta ka komentuar listën e kandidatëve për deputetë të PD.
Nga Lushnja gjatë një takimi elektoral, Meta ka reagur lidhur me largimin e një prej emrave të shumë përfolur që Basha nuk e përfshiu në listën e Shkodrës.
Bëhet fjalë për ish-kryetaren e Kuvendit Jozefina Topalli. Për këtë Meta tha se “LSI më 25 qershor do të votohet jo vetëm nga të gjithë ata që e mbështesin sot por edhe nga ata që e shohin si shtyllën kryesore të stabilitetit të vendit. Sepse LSI nuk i largon gratë e shquara nga lista natën dhe në errësirë, ne i vlerësojmë dhe ne i çmojmë dhe i besojmë ato që të drejtojnë listat tona”
