Një tjetër gomone me të cilën transportohej lëndë narkotike, ka rënë në rrjetën e bashkëpunimit mes dy Policive, shqiptare dhe asaj italiane.
Në prangat e policisë kanë rënë 2 shqiptarë në inicialet A.Dh. vjeç 51 dhe E. A. vjeç 25.
Operacioni ka ardhur falë bashkëpunimit të policisë shqiptare me Guardia di Finanza dhe me mbështetjen e avionit të agjencisë Frontex.
Ndërkaq, vijon veprimtaria hetimore në dy vendet nga ana e dy forcave Policore për kapjen e personave të tjerë të përfshirë në trafikun e lëndëve narkotike.
Njoftimi i policisë së shtetit:
Goditet një tjetër tentativë e trafikut ndërkombëtar të lëndëve narkotike.
Një tjetër gomone bie në rrjetën e bashkëpunimit mes dy Policive, Shqiptare dhe asaj Italiane.
Pasditen e djeshme u ndalua dhe sekuestrua një gomone rreth 8 metra e gjatë.
Gomonia drejtohej nga dy shtetas Shqiptarë me inicialet A.Dh. vjeç 51 dhe E. A. vjeç 25, të cilët u ndaluan dhe u arrestuan nga Reparti Operativ Aerodetar i Guardia di Finanza i Barit me mbështetjen e avionit të agjencisë Frontex, me sinjalizimin e Policisë së Shtetit.
Policia e Shtetit në bashkëpunim me Guardia di Finanza kanë bërë të mundur heqjen nga qarkullimi të më shumë se 1 ton lëndë narkotike.
Vijon veprimtaria hetimore në dy vendet nga ana e dy forcave Policore per kapjen e autorëve të tjerë të përfshirë në trafikun e lëndëve narkotike.
(Gomonia e ndaluar nga Guardia di Finanza)