Mund të duket si një skenë e nxjerrë nga ndonjë film fantastiko-shkencor, por nuk është ashtu.
Në fakt, bëhet fjalë për metodën e re të transportit, që do të përdoret nga zjarrfikësit në Dubai.
E quajtur “Delfin,” pajisja është një motorr uji, i pajisur me një “Jetpack” dhe tubin e ujit për të shuar zjarrin.
Dubai vuan nga trafiku i rënduar dhe më parë, ekipet e emergjencave kanë patur gjithmonë probleme për të mbërritur sa më shpejtë në vendngjarje.
Në një video të publikuar nga “Mbrojtja CIvile,” tregohet një zjarrfikës, i cili lëviz drejt emergjencës me një motorr uji. Më pas, ai shfrytëzon “Jetpack” për t’u ngjitur deri në vendngjarje.
“Jetpack” është një jelek, i cili me anë të presionit të ujit, bën të mundur ngritjen në ajër të zjarrfikësit.