Milan siguroi një vend në cerekfinalet e Kupës së Italisë, pasi mundi 2-1 Torinon në “San Siro”. Kuqezinjve i mjaftuan vetëm 3 minuta për të marrë kualifikimin falë fitores së 3-të radhazi ndaj skuadrës granata, që cerekfinaleve iu afrua në 60 minuta. Goli i Belottit në të 27-tën erdhi pas një aksioni personal të këtij të fundit.
Ndërsa 3 minuta më pas Bonaventura vuri në shinat e duhura kualifikimin e të tijve me golin e 2-1. Milani mund t’i kishte luajtur në qetësi castet e fundit, por Lapadula në të 94-trën gaboi një gol të sigurtë. Pas 7 minutash shtesë, ishte Milani që mori kualifikimin dhe në raundin tjetër do të gjejë përballë Juventusin, në një klasike të vërtetë të futbollit italian.
