Viti i Ri duket se ka qenë shumë fitimprurës për këngëtarët shqiptarë. E sidomos, për ata këngëtarë që kanë kënduar jashtë shtetit në natën e ndërrimit të vitit. I tillë është Zef Beka, i cili ka kënaqur shqiptarët me zërin e tij në një lokal në Londër.
Megjithatë, ai është kapur “mat” nga disa shqiptarë, të cilët e kanë nisur videon në redaksinë e JOQ. “Zef Beka dhe Bajram Gigolli duke ndarë lekët si të babëzitur akoma pa u mbyllur festa, mezi i paska prit. Videoja është bërë në Londër natën e Vitit të Ri”, kështu shkruan raportuesi për JOQ, teksa e “dënon” veprimin e këngëtarit.
Në fakt, përveç kënaqësisë, paratë janë një nga arsyet kryesore të këngëtarëve shqiptarë për të marrë pjesë në festa të tilla dhe veprimi i tyre është i kuptueshëm. Gjithsesi, shpresojmë që herë tjetër këngëtarët të tregohen më të kujdesshëm, nëse nuk duan të duken keq para syve të publikut.
