Gjykata per Krimet e Renda ka vendosur sot te shpallë fajtor Arban Djaloshin, akuzuar per “vrasje per shkak te marredhenieve familjare”. Ai eshte denuar me 35 vjet burg per vrasjen e te atit.
Ndersa Bardhe Djaloshi, (e shoqja e viktimes) eshte shpallur fajtore per “veprime qe pengojne zbulimin e te vertetes” dhe eshte denuar me 3 vjet burg, shkruan Panorama.
Per te njejten akuze, Gjykata ka denuar me 1 vit e 6 muaj burg edhe Flavio Djaloshin (djali tjeter i viktimes).
Per shkak te gjykimit te shkurtuar, ketyre personave u ulet denimi me nje te treten.
NGJARJA
Mirosh Djaloshi 54 vjeç u gjend i vrarë orët e para të mëngjesit të datës 18 mars në fshatin Shkallë, Manëz, në oborrin e banesës së tij.
Trupi i pajetë i tij i pajetë u gjet nga familjarët dhe nga hetimet e para rezultoi se atë e kishin goditur me sende të forta në kokë.
Pas një hetimi thuajse dy mujor policia e Durrësit ka bërë të mundur zbardhjen e vrasjes së vrasjes së ish kryeplakut të fshatit Shkallë të këtij qyteti më 18 mars të këtij viti.
Gruaja e viktimës Bardhe Djaloshi 46 vjeçe bashkë me dy djemtë e saj Arban Djaloshi 26 vjeç dhe F. Djaloshi 16 vjeç janë autorët e dyshuar të policisë për vrasjen e Mirosh Djaloshit. Motivi i vrasjes është për konflikte familjare.
Deshmia
Autori i dyshuar ka deklaruar se e ka kryer vrasjen, duke e goditur me sende të forta, për shkak se viktima ishte i alkolizuar dhe keqtrajtonte nënën e autorit (bashkëshorten e viktimës).
Me urdhër të Prokurorisë së Durrësit u ndaluan tre anëtarët e familjes Djaloshi, konkretisht bashkëshortja dhe dy djemtë e viktimës. Prokuroria e Durrësit krijoi dyshime se autori i vrasjes së Miroshit gjendej mes familjarëve.
Kjo pistë u forcua nga fakti se, gjatë veprimeve hetimore, rezultoi se viktima nuk kishte probleme me persona jashtë familjes. Ndërsa, brenda familjes anëtarët kishin konflikte të vazhdueshme për shkak se Mirosh Djaloshi shkonte shpesh në shtëpi në gjendje të dehur.
Si ndodhi
Më datë 18.03.2016, ora 07.00 në fshatin Shkallë, në rrugën që të çon për në hyrje të oborrit të banesës së tij, është gjetur i vrare shtetasi Mirosh Djaloshi. Viktima është gjetur i shtrirë në tokë, pranë portës kryesore të oborrit të baneses së tij, rreth orës 05.45 nga djali i tij Arban Djaloshi. Nga kqyrja e kufomës rezulton se viktima ka dy dëmtime në pjesën e kafkës së kokës dhe se koha e vdekjes së tij ka qenë rreth 10 orë nga koha e kryerjes së kqyrjes së kufomës.
Menjëherë pas marrjes së informacionit për këtë ngjarje janë kryer veprimet e para hetimore, si kqyrja e vendit të ngjarjes, pyetja e dëshmitarëve okularë, pyetja e të dëmtuarve, kqyrje dhe marrja e provave materiale etj, nga ku ka rezultuar se:
Nga deklarimet e familjarve të viktimes ka rezultuar se viktima Mirosh Djaloshi ka qenë përdorues i pijeve alkolike. Më datë 17.03.2016, ai ka konsumuar alkol në banesën e tij dhe në lokale të fshatit. Është kthyer përsëri në banesën e tij dhe rreth ores 19.00 ka dalë nga banesa, duke u thënë pjesëtarëve të familjes që po dilte. Viktima nuk u ka treguar se ku do të shkonte dhe telefonin e kishte lënë në banesën e tij.
Rreth orës 05.30, bashkeshorja e tij, B. Djaloshi, pasi nuk e ka parë në banese ka zgjuar djalin e saj, Arbanin, duke i thënë që babai nuk kishte ardhur në shtëpi dhe të dilte për të parë se ku ishte. Pasi Arbani është çuar, ka dalë për të kërkuar dhe e ka parë të shtrirë në afërsi të portës babain e tij të gjakosur në kokë. Menjëherë ka shkuar në banesën e xhaxhait të tij, ku i ka treguar për babain.
Po kështu, nga deklarimet e familjarve ka rezultuar se viktima nuk ka patur asnjë konflikt me asnjë shtetas, por ka qenë kosumator i pijeve alkoolike.
Nga të dhënat e marra në rruge operative, dyshohet se viktima ka patur konflikte me pjesëtarët e familjes së tij dhe konkretisht me bashkëshorten e me djalin e madh, Arban Djaloshi, për shkak të pijes alkolike që ai konsumonte./panorama
