Gomonet drejt Italisë nuk kanë të mbaruar… Këtë herë policia e Vlorës e ka zbuluar që pa u nisur. Banush Azizaj, 47 vjeç dhe Geron Latifi, 43 vjeç, të dy nga Vlora, janë arrestuar nga policia e qytetit bregdetar. Policia kishte marrë informacione se në plazhet e Zvërnecit po përgatitej një sasi lënde narkotike me qëllim për tu trafikuar në rrugë detare.
Kështu gjatë kontrollit të ushtruar në lokalin veror të 47-vjeçarit Banush Azizaj, policia ka gjetur një sasi me lëndë narkotike, të vendosur në 5 çanta sportive si dhe në 2 paketime të mbështjella me qese plasmani. Pas peshimit, ka rezultuar se ishin 128 kg kanabis. Po ashtu në lokalin 43-vjeçarit Geron Latifi, është gjetur dhe bllokuar një mjet lundrues gomone, me të cilën ishte planifikuar trafikimi i lëndës narkotike.
Mjeti lundrues, u gjet i çmontuar, me përmasa 3.3 m i gjatë dhe 1.3 m i gjërë, me dy motorë “Mercury” dhe “Yamaha”. Policia thotë se Azizaj dhe Latifi janë të implikuar në veprën penale të “Trafikimit të lëndëve narkotike, kryer në bashkëpunim, mbetur në tentativë”
