Një ditë para 8 dhjetorit, ditës simbol te lëvizjes antikomuniste shqiptare u publiku një sondazh i financuar nga OSBE , i realizuar Institutit për Kërkime e Alternativa Zhvillimi (IDRA ) edh i mbështetur nga ambasadori i OSBE-s në Tiranë, .Bernd Borchard. Në ketë sondazh pretendohet se u pyetën në të gjithë Shqipërinë rreth njëmijë persona dhe rezultatet 26 vite pas rrëzimit të komunizmit ishin të pa pritura . Sondazhi ishte ngritur në disa pyetje: Një pyetje ishte për rolin e Enver Hoxhës në historinë e vendit? Kësaj pyetjeje (sipas sondazhit-shantazh) iu përgjigjën 45 % si pozitiv dhe 42 % si negativ. Pyetje tjetër ishte për zbatimin e komunizmit në Shqipëri , ku sipas sondazhit 37 % e të anketuarve thanë se ishte një ide e gabuar, 49 % një ide e mirë e zbatuar keq dhe 10 % një ide e mirë e zbatuar mirë. Ndërsa një tjetër suprizë e këtij sondazhi bishte ai se 38 % e të anketuarve të moshës nga 16 deri në 35 vjeç kishin mendim pozitiv për Enver Hoxhën, ndërsa tek ata mbi 55 vjeç, ky mendim pozitiv ishte mbi 52 % .
Sondazhi kishte edhe pyetje e përgjigje të tjera por dua të përqendrohemi tek perceptimi publik për diktatorin Enver Hoxha 26 vjet mbas rënies “de jure” te diktaturës së tij . Shume miq e kolegë të mi kanë reaguar me indinjatë madje kanë venë ne dyshim edhe vërtetësinë e tij por un jam i prirë ta besoj si të vërtete , si një realitetet qe ne e prekim çdo ditë e qe nuk kemi fare nevojë për sondazhe te sponsorizuara nga te huajt për ta kuptuar këtë. Për tu kuptuar me mirë me lexuesit po ju rikujtoj disa statistika e fakte për perceptimin e figurës se diktatorit komunist dhe diktaturës se tij qe kanë ndodhur e ndodhin çdo ditë ne shatre tanë e qe ne nuk i shohim ose me mire te themi,bëjmë sikur e pastaj kur na përplasin ne fytyre efektin publik te tyre kërcejmë përpjetë e nuk duam ta pranojmë si realitet. Sot Enver Hoxha dhe te gjithë bashkëpunëtorët e tij te ngushte janë zyrtarisht “Heronj te Popullit” apo mbajnë dekorata e tituj nderi nga me te lartët te dekretuar nga shteti shqiptar. Për 26 vjet politika shqiptare nuk mori asnjë vendim për ti hequr e anuluar ato edhe pse për këtë çështje është debatuar shume here politikisht e publikisht .
Pasardhësi i tij Ramiz Alia qe jetoi ne kohen post diktatoriale jetoi i qete dhe u varros me nderime e protokoll shtetëror , ne shtrat topi, sikur te ishte hero e jo autor i krimeve kundër njerëzimit. Krimet e diktaturës jo vetëm nuk u ndëshkuan por edhe nuk u zbardhen ndërkohë që autoret e tyre te gjallë vazhdojnë te jenë pjese e rëndësishme e politikës m sistemit gjyqësor dhe administratës shtetërore . Kundërshtarët dhe viktimat e krimeve te Enver Hoxhës dhe diktaturës se tij nuk u rehabilituan plotësisht juridikisht , nuk u shpërblyen dhe nuk u integruan ne shoqërinë post komuniste shqiptare . Rreth 6000 nga me shume se 10.000 te ekzekutuar politike , shumica intelektuale e patriote te shquar , janë ende pa një vend varri ndërkohë qe ne masë te afërmit e tyre nuk përfitojnë dëmshpërblim financiar pasi ligji i ndërtuar nga politika aktuale i konsideron ata “terroristë” sipas neneve te sajuara me të cilat i kishte dënuar Enver Hoxha për te justifikuar ligjërisht eliminimin fizik te tyre.
Pinjollët politike, juridike e gjenetikë te diktaturës,bashkëpunëtorë direkt apo bij , bija , nipër e mbesa te diktatorit dhe drejtuesve te tjerë te diktaturës komuniste janë sot ne pushtet te votuar nga 1 milionë shqiptare pjese e te cilave kanë qene edhe at qe u pyetën nga sondazhi OSBE- IDRA .Në se ta votojnë bashkëpunëtorët e gjallë në krime te Enver Hoxhës apo familjaret e tyre, u besojnë atyre jetën e tyre e familjeve te tyre nuk ka si te mos kenë edhe mendim te mirë për Hoxhën dhe diktaturën e tij . Ku është befasia apo mashtrimi këtu ? Por jo vetëm kaq ! Një gjë e ngjashme ndodh edhe ne krahun tjetër atë zyrtarisht “antikomunist”, PD-në . Në se 37 % e Këshillit Kombëtar te PD-se , partisë qe merr e administron votën e antikomunisteve , kryesisht viktimave te diktaturës komuniste , votojnë e zgjedhin për Sekretar te Përgjithshëm te PD-se avokatin e besuar te familjes se Enver Hoxhës, shërbëtor ne disa breza tek kjo familje, ç’farë prisni te ndodhë. Kur duan votojnë e zgjedhin shërbëtorin pse te mos kenë mendim pozitiv për pronarin e tij . Politika shqiptare në mënyre te përsëritur kremton ditët e festat simbol te komunizmit e enverizmit si 29 nëntorin, 5 majin, 24 majin e tije ndërkohë qe politikanet e larte pozojnë me foto te diktatorit .Media gjithashtu është e mbushur me lajme pozitive për Hoxhën nderke qe vejusha e tij e zeze Nexhmija botohet e transmetohet ne faqe te par e krye-lajme me audienca e lexime rekord . Histioriografët zyrtar , pjesa me e madhe e tyre , vazhdojnë te mbajnë publikisht një qëndrim pozitiv për Hoxhën ndërkohë që në tekstet shkollore shkruhet pak apo aspak për krimet e tij. Solla vetëm pak nga ajo qe ndodh ne Shqipërinë post komuniste ne raport me Enver Hoxhën dhe diktaturën e tij . Me thoni ju te nderuar miq pse duhet te habitemi nga rezultat e sondazhit qe rezulton ne mase pozitiv për të. Ne se do te huazonim një terme nga propaganda komuniste do te thosha që: “Enver Hoxha , ka qene e është midis nesh “ , Ai është kudo , ne qeveri, ne opozitë, ne administrate , ne histori , art kulture ne shkolla . Ne pushtet e i paprekshëm, si ne diktaturën e tij . Duam apo nuk duam, ky është një realitet i trishtuar por i vërtetë e konkret qe shohim dhe e prekim çdo dite. Prandaj këmbëngul. Qe nuk ka asgjë befasuese e të pa vërtetë ne sondazhin e OSBE -IDRA për të pervec faktit qe ai na teheq vemendjen ne ate qe ne nuk duam ta shohim ne përditesine tonë .