Një balerinë shtatzënë nga India është qëlluar për vdekje me armë gjahu gjatë një ceremonie martesore. 25-vjeçarja Kulvinder Kaur është qëlluar me armë gjahu gjatë kohës që po kërcente në skenë.
Dyshohet se balerina 2 muajshe shtatzënë u qëllua pasi refuzoi të kërcejë me një nga të ftuarit i cili ishte i dehur. Ajo ka ndërruar jetë rrugës për në spital.
Ngjarja ka nxitur debate në lidhje me përdorimin e armëve gjatë dasmave dhe ceremonive të tjera festive, ku çdo vit në veri të Indisë kanë humbur jetën shumë persona.