Andrea Agostineli do të vazhdojë të jetë trajneri i kampionëve të Skënderbeut. Burime të “Panorama Sport” pranë klubit korçar bënë me dije se drejtuesit vendosën që të vazhdojnë t’i besojnë drejtimin e skuadrës teknikut italian.
Pozicioni i Agostinelit u vu në dyshim pas 4 ndeshjeve të fundit pa fitore në kampionat, madje dhe vetë klubi i Skënderbeut njoftoi se ishte duke u menduar me qetësi vendimi që do të merrej për italianin, por duket se pas analizimit të situatës, presidenti Takaj ka vendosur të mos bëjë ndryshime në krye të pankinës.