Këto bebe që do shikoni në këtë video janë ndryshe nga të tjerat. Ato duken sikur kanë dalë nga filmi i njohur “Avatar”, i regjisorit James Cameron.
Ato sigurisht që nuk janë të vërteta dhe videoja është publikuar nga Instagrami i kompanisë që i ka prodhuar. Kukullat e quajtua Na’vi i kanë bërë të gjithë konfuzë sepse duken pothuajse reale.
Një nga prodhueset e kukullave, në video i shtrëngon gojën njërës prej tyre duke treguar se sa të vërteta duken.
Në video, gruaja tregon dhe bishtat e kukullave, ku në film ishin çelësi për komunikimin ndërmjet specieve dhe ndryshonin ngjyrë për të treguar gjendjet e humorit të tyre.
Kukullat janë prodhuar nga kompania spanjolle Babyclon, e cila krijon bebe silikoni dhe çmimi i njërës prej tyre shkon në rreth 800 euro.
