Një sasi prej 32 kg kanabis sativa është sekuestruar nga policia greke, ndërsa në pranga kanë përfunduar një 25 vjeçar shqiptar dhe një vajzë 17 vjeçare.
Sekuestrimi i lëndës narkotike është bërë gjatë kontrollit të një automjeti në rajonin e Kosturit ku është zbuluar një çift nga Shqipëria duke transportuar një sasi të konsiderueshme droge.
Vajza 17 vjeçare ka marrë pjesë vetë në transportin e drogës, duke theksuar se 25 vjeçarin e kishte marrë në pikën e kalimit kufitar. Pas kontrollit të ushtruar, policia ka gjetur tre qese me 60 pako kanabis me peshë totale 32 kg e 850 gram.
Policia sekuestroi makinën e dy autorëve, tre telefona celular, katër karta SIM, ndërsa hetimet po përqendrohen për të identifikuar trafikun midis Shqipërisë dhe Greqisë. Dy autorët janë dërguar pranë Prokurorisë së Kosturit.