PARIS (AA) – Policia e Francës ka hequr një kamp në Paris në të cilin kishin jetuar 500 refugjatë, kryesisht nga Afganistani, raporton Anadolu Agency (AA).
Tendat e improvizuara të cilat kanë qenë të vendosura në afërsi të stacionit të metrosë Jaures, janë hequr nga pjesëtarët e policisë speciale, të cilët hasën në rezistencë të emigrantëve.
Mustafa nga Irani rrëfeu se policia për çdo javë vjen dhe heq tendat pa ofruar një alternativë për emigrantët, ndërkohë Jazneyf nga Afganistani tha se Evropa paraqet për ta një dëshpërim të madh. “Kam parë shumë shtete. Rrugëve ilegale kalova përmes dhjetë shteteve, por askund nuk takova një shtet të egër siç është Franca”, tha ai.
