Një 47 vjeçar është arrestuar nga policia e Durrësit, pas vdekjes së një 41 vjeçari në banesën e tij. Në pranga përfundoi Spartak Gjyli, banues në lagjen Nr.13, Plazh.
“Më datë 19.10.2016, rreth orës 09:40, shtetasi L.B. 41 vjeç, ka qenë duke punuar në banesën e shtetasit Spartak Gjyli(montuar një palë shkallë) dhe është rrëzuar nga lartësia. Për pasojë shtetasi L.B. ka ndërruar jetë në Spitalin Ushtarak Tiranë”, sqaron policia lokale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Shkelja e rregullave të mbrojtjes në punë”.