“Nuk besoj se maturantët të jenë kaq naiv sa mendoni ju”, ka qenë ky komenti që ka nxitur një debat të gjatë mes një të riu dhe kryeministrit Rama. Ky i fundit është përgjigjur menjëherë duke e kundërshtuar dhe duke theksuar se nga ky sistem maturantët kanë marrë përgjigje pozitive.
Por, djali që nisi këtë koment, Ledjo Pisha, nuk është ndalur me kaq, sigurisht duke respektuar Edi Ramën si udhëheqës të vendit, me një kulturë në të shkruar, ai ka vazhduar të insistojë se këta maturantë që kanë fituar janë militantë të PS që servilosen për të përfituar më vonë një post të rëndësishëm.
Sigurisht ky koment nuk i ka pëlqyer aspak Ramës, i cili i ka kërkuar Ledios që ashtu siç e shkruan, ashtu edhe ta kuptojë shqipen dhe t’i bëjë “hyzmet” gjuhës.
Por, Ledjo i vendos kapak duke i thënë Ramës se gjuhën shqipe po e deformon ai me fjalë të huaja siç është fjala “hyzmet” dhe pas këtij komenti kryeministri nuk ka kthyer më përgjigje.
