Një shpërthim i fuqishëm ka ndodhur mbrëmjen e djeshme në një lagje në qendër të kryeqytetit grek. Rreth orë 22:25 minuta në lagjen “Eksarqia”, në rrugën “Ypokratus”, numri 112, ka shpërthyer një sasi eksplozivi i vendosur nën një makinë.
Sipas autoriteteve greke, dyshohet se mekanizmi shpërthyer ka pasur për objektiv prokuroren e Apelit, Georgia Tsatani.
Burime pran mediave helene shtojnë se përpara shpërthimit ka pasur një telefonatë paralajmëruese në redaksinë e një gazete. Në telefonatën kërcënuese thuhej: “Kjo nuk është shaka, thuaj policisë që do të mbledhin njerëzit nga dritaret.” Megjithëse policia ka shkuar në vendngjarje në kohë, eksplozivi ka shpërthyer pak para orës së njoftuar nga telefonata anonime.
Për fat të mirë nuk ka patur viktima dhe të lënduar.
