Aktorja e famshme, Angelina Jolie është në procedura ligjore për t’u divorcuar nga aktori Brad Pitt. Lajmin e konfirmon TMZ me burime të saj.
Sipas kësaj faqeje, që është më e njohura në SHBA për zbulime ndaj VIP-ave, Jolie ka përfunduar proceduar ditën e hënë për t’u divorcuar nga Pitt. Ajo madje kërkon që Pitt të mos ketë kontakt direkt fizik me fëmijët. Kjo ngre dyshime se mos Pitt ka qenë një baba i dhunshëm. Nga ana tjetër, ajo nuk kërkon dëmshpërblim financiar nga Pitt. Jolie dhe Pitt u martuan në gusht të vitit 2004.
Jolie e ka bërë publike edhe datën e ndarjes, duke përcaktuar 15 shtatorin e 2016-s si ditën, për të cilën duket se nuk do të pendohet, edhe pse ishin një nga çiftet më të dashura në sytë e të gjithë botës.
Dyshja e aktorëve nuk janë parë së bashku gjatë muajve të fundit, teksa u shfaqen vetëm në nëntor të 2015-s bashkë në një event që promovonte filmin “By the Sea”. Ky do të jetë divorci i tretë për Jolie, e cila ka qenë e martuar më herët me yllin e “Sherlock”, Johnny Lee Miller, si dhe Billy Bob Thornton.
Ndërsa martesa e parë e Pitt ka qenë me aktoren Jennifer Aniston, e cila përfundoi në vitin 2005, pikërisht për shkak se u zbulua marrëdhënia e tij me Jolie, të cilën e takoi gjatë punimeve për filmin “Mr. dhe Mrs. Smith”.