Dy futbollistët shqiptarë më të përfolur në merkato këto ditë në Itali janë padyshim Berat Gjimshiti dhe Etrit Berisha. Të dy lojtarët e kombëtares shqiptare nuk kanë hapësira në klubet e tyre përkatëse dhe janë duke shqyrtuar mundësitë e ndryshimit të skuadrave në ditët e fundit të transferimeve.
Mbrojtësi i Atalantës, Berat Gjimshiti, është përfolur se do të ishte përforcimi i ri i Krotones në Serinë A ose i Avelinos në Serinë B. Por raportimet e sotme nga mediat italiane flasin me siguri të plotë se skuadra e re e Gjimshitit do të jetë Avelino, çka të bën të mendosh se bisedimet me skuadrën e Serisë B janë pranë finalizimit më sukses dhe pritet vetëm zyrtarizimi.
Ndërkohë për Berishën, emrat që qarkullojnë janë ato të tre ekipeve të Serisë A, Palermo, Krotone dhe Torino. Megjithatë sipas raportimeve nga mediat e vendit fqinj, së fundmi për Etritin kanë shfaqur interes edhe skuadra nga jashtë Italisë.
