Zjarr në malin e Shëngjinit, rrezikohet zona e banuar. Pritet ndërhyrja nga ajri

Mali i Shëngjinit është përfshirë nga flakët, ndërsa rrezikohen edhe zonat e banuara. Ngjarja ka ndodhur pasdite e sotme. Sipas të dhënave paraprake, mësohet se për shuarjen e zjarrit është angazhuar edhe ushtria. Sakaq, kreu i Zjarrfikëses, Augustin Pepkolaj pohoi se në ndihmë të forcat zjarrfikëse do të jetë edhe një helikopter, i cili pritet të shkojë në vendngjarje. Deri më tani nuk dihen shkaqet e rënies së zjarrit, ndërsa po punohet për shuarjen e tij.