U nxorën forcërisht nga objekti ku jetonin prej më shumë se 10 vjetësh jetimët dhe disa banorë të pastrehë, ku disa dhoma të konviktit të shkollës teknologjike në Tiranë ishin bërë shtëpiza e tyre
Një grup jetimësh që prej vitesh jetonin në konviktin e shkollës Teknologjike në Tiranë janë nxjerrë dje nga banesat. Largimi nuk ka qenë aspak i qetë dhe paqësor. Kështu i gjeti mëngjesi i së martës jetimët e strehuar deri më tani në konviktin e shkollës teknologjike në kryeqytet. Pas paralajmërimit të bërë një ditë më parë, njëmbëdhjetë jetimët dhe familjarët e tyre që banonin te konvikti i shkollës Hoteleri-Turizëm në Tiranë, janë nxjerrë forcërisht nga objekti ku jetonin prej më shumë se 10 vjetësh. Në ndihmë të policisë bashkiake ishin edhe forcat e policisë së shtetit. Orenditë shtëpiake ishin vendosur në trotuarin përbri shkollës teknologjike. Pas këtij vendimi, banorët bllokuan qarkullimin e Rrugës së Kavajës për disa minuta. Vetëm pas ndërhyrjes së forcave të rendit ata u larguan nga rruga . Këta banorë refuzojnë zgjidhjen e ofruar nga bashkia e Tiranës për tu paguar qiranë. Sipas bashkisë së kryeqytetit këta banorë po largohen pas kërkesave të shumta të nxënësve të shkollës profesionale hoteleri turizëm që banojnë në këtë konvikt. Nxënësit kanë bërë edhe disa peticione drejtuar bashkisë për largimin e tyre. Banorët e tjerë në konviktin e shkollës Teknologjike jetoni në kushte tepër të vështira. Sigurisht që këta banorë meritojnë kushte më të mira, dhe është detyrë e shtetit tu sigurojë kushtet minimale. Situata psikologjike e banorëve është tepër e rënduar.
Por ishin forca të shumta policia që nxorën nga strehimi këta banorë. Ky është një rast i cili e ka të panevojshëm të tregohet forca e shtetit me polic. Pikërisht këtu duhej treguar ana sociale, trajtimi psikologjik i banoreve përmes punonjësve sociale në mënyrë që këta banorë të levizin drejt një banese më të denjë, në një mënyrë më dinjitoze.
Banorët
Zonja Thëllëza ka 11 vjet që jeton në konviktin pranë shkollës së mesme Hoteleri – Turizëm, që kur ishte vajzë. Ajo është nënë e dy fëmijëve. Jeton në kushte ekstreme në një ambient tepër të ngushtë dhe të papërshtatshëm së bashku me fëmijët e saj. Thëllëza është rritur jetime. Dy fëmijët e saj jetojnë pa babanë pasi Thëllëza është ndarë nga bashkëshorti. Të ardhurat e tyre janë minimale. Në ambientet e këtij konvikti jetonin edhe jetimë të tjerë të cilët janë strehuar atje prej shumë vitesh. Siç banorët e këtyre ambienteve dëshmuan ata janë nxjerrë më forcë nga konvikti që në orët e para të mëngjesit. Sipas banorëve policia bashkiake i ka nxjerrë jashtë që në orët e para të mëngjesit. Por më parë policia bashkiake u kishte lënë një dokument i cili tregon se këta banorë kanë zënë me forcë ambientet publike nga të cilat duhet të largohen brenda 5 ditësh. Banorët thanë se bashkia ende nuk u ka siguruar një banesë alternative. Ata nuk e dinë se ku do të flenë në mbrëmje. Nuk dinë çfarë do të ndodhë me ta. Ndërsa nga ana e saj bashkia e Tiranës soli disa përfaqësues të saj tek familjet të cilat ishin lënë në mes të rrugës ku u kërkuan emrat dhe erdhën me propozimin se do ti çojnë nëpër banesa të tjera dhe se për dy muaj du tu paguhet qeraja. Banorët e nxjerrë jashtë bashkë dhe me 11 jetimët e kundërshtuan dhe refuzuan që tu jepnin emrat punonjësve të pashkisë duke i quajtur ata mashtrues dhe se pas dy muaj si do të shkonte halli i tyre.
