Kamerat e sigurisë së një servisi celularësh dhe kopjuterash në Los Angeles, kanë mundur të regjistrojnë momentin e frikshëm kur një burrë tenton të rrëmbeje një vajzë 4-vjeçare. Ajo ndodhej së bashku me nënën e saj në dyqan dhe po luante tek dera ndërsa e ëma që mbante dhe një fëmijë tjetër në krahë, po priste radhën. Në pak sekonda një burrë është afruar tek dera dhe ka tentuar të rrëmbejë vajzën por nëna e saj ka vrapuar menjëherë pas tij, e së bashku me të edhe disa persona të tjerë duke bërë që ai ta linte të miturën. Ndërkohë që dy dëshmitarë e kanë ndjekur atë me vrap dhe e kanë kapur, e më pas ai është arrestuar nga policia.
