Me mijëra shqiptarë janë mbledhur në sheshin Nënë Tereza për të ndjekur nga afër koncertin e Dua Lipës në Tiranë.
Ylli ndërkombëtar pritet të ndezë skenën, por momentalisht Lipa ndodhet në Bashkinë e Tiranës, ku po takohet me Kryebashkiakun Veliaj.
Në shesh ndodhen edhe figura publike që kanë ardhur ta ndjekin Duan nga afër. Mes tyre edhe sopranoja shqiptare me famë botërore, Inva Mula.
Mula ndodhet pranë skenës, e shoqëruar nga bashkëshorti i saj Hetem Ramadani.
