Skandal seksual në ‘Rio 2016’!

Një boksier nga Namibia dhe një nga Maroku janë vënë në pranga nga policia në Rio de Zhaneiro pasi kanë tentuar të abuzojnë seksualisht me shërbyeset e hoteleve ku kanë qëndruar. 22-vjeçari Jonas Junius nga Namibia akuzohet se e ka kapur me dhunë gruan dhe është munduar ta puthë. Ajo madje ka thënë se ai i ka ofruar edhe para në këmbim të marrëdhënieve seksuale. Ndërsa marokeni Hassan Saada është arrestuar pasi dyshohet se ka sulmuar seksualisht dy pastruese. Ai do të mbahet në masë arresti për 15 ditë, derisa të përfundojë hetimi.